Áætlað er að stjórn Vátryggingafélags Íslands hf. (Skagi) samþykki árshlutareikning samstæðu vegna þriðja ársfjórðungs 2024 á stjórnarfundi miðvikudaginn 27. nóvember n.k. og verður hann birtur í kjölfarið, eftir lokun markaða. Kynningarfundur verður haldinn sama dag kl. 16:30 í höfuðstöðvum félagsins að Ármúla 3, Reykjavík. Athugið breyttan fundartíma frá því sem áður hefur verið viðhaft hjá félaginu. 

Kaupin á Íslenskum verðbréfum hf. (ÍV) og dótturfélagi þess ÍV sjóðum, sem tilkynnt var um þann 8. maí sl. eru nú frágengin og rekstur ÍV verður hluti af samstæðu Skaga frá og með fjórða ársfjórðungi. Kaupverðið var greitt seljendum með reiðufé. Með kaupunum verður samstæða Skaga enn öflugri þátttakandi á fjármálamarkaði með víðtækar starfsheimildir til fjármálaþjónustu.

Fjármálaeftirlit Seðlabanka Íslands hefur samþykkt að Skagi (Vátryggingafélag Íslands hf.) fari með virkan eignarhlut í Íslenskum verðbréfum hf. og ÍV sjóðum hf. („ÍV“)

Sjá kynningu í viðhengi.

Reynir Bjarni Egilsson hefur verið ráðinn framkvæmdastjóri trygginga og tjóna hjá VÍS. Reynir hefur frá árinu 2004 stafað hjá Rapyd og forverum þess, Valitor og Visa Íslandi, nú síðast sem framkvæmdastjóri kortaútgáfu frá árinu 2021.  Reynir hefur gegnt ýmsum störfum hjá fyrirtækinu í þau 20 ár sem hann hefur starfað þar, m.a. verið sérfræðingur á fjármálasviði, sinnt verkefnastjórn og viðskiptaþróun í erlendri kortaútgáfu, og verið deildarstjóri í vörustýringu og vöruþróun.

Kraftmikill viðsnúningur í tryggingastarfsemi

Vísað er til fyrri tilkynningar varðandi kaup Skaga á hlutafé í Íslenskum verðbréfum hf. Nú hefur Samkeppniseftirlitið tilkynnt um ákvörðun sína varðandi kaupin með eftirfarandi ákvörðunarorðum: „Kaup Skaga hf. á um 98,07% af heildarhlutafé Íslenskra verðbréfa hf. fela í sér samruna í skilningi 17. gr. samkeppnislaga. Samkeppniseftirlitið telur ekki forsendur til þess að aðhafast vegna samrunans.“

Sjá viðhengi fjárfestakynningu fyrir 1. ársfjórðung 2024 fyrir Skaga (Vátryggingafélag Íslands hf.).

Sterkur tekjuvöxtur á fyrsta ársfjórðungi
– og færumst nær langtímamarkmiðum

Vátryggingafélag Íslands hf. (Skagi) hefur undirritað kaupsamning við hluthafa Íslenskra verðbréfa hf. (ÍV) um kaup Skaga á 97,07% hlutafjár í félaginu. Horft er til þess að í kjölfarið verði farið í kaup hlutafjár annarra hluthafa þannig að Skagi verði einn eigandi alls hlutafjár í Íslenskum verðbréfum. Kaupverð 97,07% hlutafjár í Íslenskum verðbréfum er 1.598 milljónir króna. Gert er ráð fyrir að kaupverðið verði greitt með reiðufé, en Skagi hefur val um að greiða allt að fjórðungi kaupverðsins með afhendingu nýs hlutafjár í Skaga. Fyrirtækjaráðgjöf og sérhæfðar fjárfestingar eru undanskilin í kaupunum. Jóhann M. Ólafsson, forstjóri ÍV, hefur stigið til hliðar og Jón Helgi Pétursson, framkvæmdastjóri ÍV sjóða, hefur tekið tímabundið við sem forstjóri félagsins.